മണിമലയില്‍ യുവാവിനെ കൊലപ്പെടുത്താന്‍ ശ്രമിച്ച കേസില്‍ ഒരാളെ പോലീസ് അറസ്റ്റ് ചെയ്തു.
മണിമലയില്‍ യുവാവിനെ കൊലപ്പെടുത്താന്‍ ശ്രമിച്ച കേസില്‍ ഒരാളെ പോലീസ് അറസ്റ്റ് ചെയ്തു. മണിമല പതാലിപ്ലാവ് ഭാഗത്ത് താന്നുവേലില്‍ വീട്ടില്‍ ആന്റണി മകന്‍ സെബിന്‍ ആന്റണി (31) എന്നയാളെയാണ് മണിമല പോലീസ് അറസ്റ്റ് ചെയ്തത്.
ഈ മാസം 21ന് ആയിരുന്നു കേസിനാസ്പദമായ സംഭവം. മണിമല പതാലിപ്ലാവ് ഭാഗത്ത് വച്ച് ഇയാളുടെ സുഹൃത്തായ അനീഷ് എന്നയാളുമായി വാക്ക് തര്‍ക്കം ഉണ്ടാവുകയും, തുടര്‍ന്ന് ഇയാള്‍ തന്റെ കയ്യില്‍ കരുതിയിരുന്ന കത്തികൊണ്ട് അനീഷിനെ കുത്തുകയുമായിരുന്നു.
ശേഷം സംഭവ സ്ഥലത്തുനിന്നും പ്രതി കടന്നുകളയുകയും ചെയ്തു. പരാതിയെ തുടര്‍ന്ന് മണിമല പോലീസ് കേസ് രജിസ്റ്റര്‍ ചെയ്യുകയും, ഇയാളെ പിടികൂടുകയുമായിരുന്നു. ഇയാള്‍ക്ക് മുണ്ടക്കയം സ്റ്റേഷനില്‍ മറ്റൊരു വധശ്രമ കേസ് നിലവിലുണ്ട്.
മണിമല സ്റ്റേഷന്‍ എസ്.എച്ച്. ഒ ഷാജിമോന്‍.ബിയുടെ നേതൃത്വത്തിലുള്ള പോലീസ് സംഘമാണ് ഇയാളെ അറസ്റ്റ് ചെയ്തത്. ഇയാളെ കോടതിയില്‍ ഹാജരാക്കി.
