വിവാഹത്തട്ടിപ്പിലൂടെ യുവതിയുടെ സ്വർണ്ണം കൈക്കലാക്കിയ എറണാകുളം സ്വദേശി അറസ്റ്റിൽ

മണിമല: മാട്രിമോണി വഴി പരിചയപ്പെട്ട് വിവാഹ വാഗ്ദാനം നൽകി യുവതിയുടെ വീട്ടുകാരിൽ നിന്നും വിവാഹത്തട്ടിപ്പിലൂടെ സ്വർണം കൈക്കലാക്കിയ കേസിൽ എറണാകുളം സ്വദേശി അറസ്റ്റിൽ. എറണാകുളം ഉദയംപേരൂർ പുല്ല്യാട്ട് വീട്ടിൽ വിഷ്ണു കൃപയിൽ അയ്യപ്പദാസിനെ(31)യാണ് മണിമല പൊലീസ് അറസ്റ്റ് ചെയ്തത്.

ഫെബ്രുവരി ഏഴിനായിരുന്നു കേസിനാസ്പദമായ സംഭവം. വിവാഹ ബന്ധം വേർപ്പെടുത്തിയ മണിമല സ്വദേശിയായ യുവതിയായിരുന്നു പരാതിക്കാരി. ഇവർക്ക് ആദ്യ വിവാഹം വേർപെടുത്തിയ വകയിൽ ലഭിക്കാനുള്ള 9 പവൻ സ്വർണ്ണവും 12 ലക്ഷം രൂപയും കോടതി മുഖേന വാങ്ങിത്തരാമെന്നു പറഞാണ്പ്ര തി തട്ടിപ്പ് നടത്തിയത്. യുവതിയുടെ പക്കൽ നിന്നും 17 ഗ്രാം സ്വർണമാണ് ഇയാൾ തട്ടിയെടുത്തത്.