കി​ഫ്ബി സം​ഘം കാ​ഞ്ഞി​ര​പ്പ​ള്ളി ബൈ​പാ​സി​ന്‍റെ നി​ർ​മാ​ണ​പു​രോ​ഗ​തി വി​ല​യി​രു​ത്തി

കാ​ഞ്ഞി​ര​പ്പ​ള്ളി ബൈ​പാ​സ്: നി​ർ​മാ​ണ പു​രോ​ഗ​തി വി​ല​യി​രു​ത്തി കി​ഫ്ബി

കാ​ഞ്ഞി​ര​പ്പ​ള്ളി: ബൈ​പാ​സി​ന്‍റെ നി​ർ​മാ​ണ​പു​രോ​ഗ​തി വി​ല​യി​രു​ത്തി കി​ഫ്ബി സം​ഘം. ആ​ർ​ബി ഡി​സി​കെ അ​ധി​കൃ​ത​ർ​ക്കൊ​പ്പ​മാ​ണ് തി​രു​വ​ന​ന്ത​പു​ര​ത്തു നി​ന്നെ​ത്തി​യ കി​ഫ്ബി ഉ​ദ്യോ​ഗ​സ്ഥ​ർ നി​ർ​ദി​ഷ്ട ബൈ​പാ​സ് മേ​ഖ​ല​യി​ൽ പ​രി​ശോ​ധ​ന ന​ട​ത്തി​യ​ത്.  ബൈ​പാ​സ് ക​ട​ന്നു പോ​കു​ന്ന പ്ര​ദേ​ശ​ങ്ങ​ളി​ലെ​ല്ലാം എ​ത്തി ഉ​ദ്യോ​ഗ​സ്ഥ​ർ പ​രി​ശോ​ധ​ന ന​ട​ത്തി. കാ​ലാ​വ​സ്ഥ​യ​ട​ക്കം നി​ർ​മാ​ണ​പു​രോ​ഗ​തി​യെ പ്ര​തി​കൂ​ല​മാ​യി ബാ​ധി​ച്ചി​ട്ടു​ണ്ടെ​ന്നാ​ണ് ഉ​ദ്യോ​ഗ​സ്ഥ​രു​ടെ വി​ല​യി​രു​ത്ത​ൽ. ഈ ​സാ​ഹ​ച​ര്യ​ത്തി​ൽ നി​ർ​മാ​ണം വേ​ഗ​ത്തി​ലാ​ക്കാ​ൻ ക​രാ​റു​കാ​ർ​ക്കു നി​ർ​ദേ​ശം ന​ൽ​കി. ഊ​ർ​ജി​ത ന​ട​പ​ടി​ക​ളി​ലൂ​ടെ നി​ർ​മാ​ണം വേ​ഗ​ത്തി​ലാ​ക്കി​യാ​ൽ നി​ശ്ച​യി​ച്ച കാ​ലാ​വ​ധി​യ്ക്കു​ള്ളി​ൽ ത​ന്നെ പ​ണി പൂ​ർ​ത്തി​യാ​ക്കാ​നാ​കു​മെ​ന്ന പ്ര​തീ​ക്ഷ​യും ഇ​വ​ർ പ​ങ്കു​വ​ച്ചു.

ന​ട​പ​ടി​ക​ൾ വേ​ഗ​ത്തി​ലാ​ക്കു​ന്ന​തി​ന്‍റെ ഭാ​ഗ​മാ​യി കി​ഫ്ബി ഉ​ദ്യോ​ഗ​സ്ഥ സം​ഘം ഓ​രോ​മാ​സ​വും നേ​രി​ട്ടെ​ത്തി നി​ർ​മാ​ണ​പു​രോ​ഗ​തി വി​ല​യി​രു​ത്തും. 78.69 കോ​ടി രൂ​പ ചെ​ല​വി​ൽ സം​സ്ഥാ​ന ഗ​വ​ൺ​മെ​ന്‍റി​ന്‍റെ സ​ഹാ​യ​ത്തോ​ടെ 1.626 കി​ലോ​മീ​റ്റ​ർ നീ​ള​ത്തി​ൽ നി​ർ​മി​ക്കു​ന്ന കാ​ഞ്ഞി​ര​പ്പ​ള്ളി ബൈ​പാ​സ് ഫ്ലൈ​ഓ​വ​ർ ഉ​ൾ​പ്പെ​ടെ​യു​ള്ള പ​ദ്ധ​തി​യാ​ണ്. ദേ​ശീ​യ​പാ​ത​യി​ൽ പ​ഞ്ചാ​യ​ത്ത് ഓ​ഫീ​സ് വ​ള​വി​ൽ നി​ന്നാ​രം​ഭി​ച്ച് പൂ​ത​ക്കു​ഴി​യി​ൽ ഫാ​ബീ​സ് ഓ​ഡി​റ്റോ​റി​യ​ത്തി​നു​സ​മീ​പം എ​ത്തി​ച്ചേ​രു​ന്ന രീ​തി​യി​ലാ​ണ് പ​ദ്ധ​തി വി​ഭാ​വ​നം ചെ​യ്തി​രി​ക്കു​ന്ന​ത്. നി​ല​വി​ൽ റോ​ഡ് നി​ര​പ്പി​ൽ മ​ണ്ണെ​ടു​ത്തു മാ​റ്റു​ന്ന​തി​നൊ​പ്പം ക​ല്ലു​ക​ൾ പൊ​ട്ടി​ച്ചു മാ​റ്റു​ന്ന ജോ​ലി​ക​ളു​മാ​ണ് ബൈ​പാ​സു​മാ​യി ബ​ന്ധ​പ്പെ​ട്ടു ന​ട​ന്നു വ​രു​ന്ന​ത്. റോ​ഡി​ന്‍റെ സം​ര​ക്ഷ​ണ​ഭി​ത്തി​യു​ടെ നി​ർ​മാ​ണ​വും ഇ​തോ​ടൊ​പ്പം ന​ട​ക്കു​ന്നു​ണ്ട്. 2025 മാ​ർ​ച്ച് മൂ​ന്നി​നു​ള്ളി​ൽ പൂ​ർ​ത്തി​യാ​ക്കു​ന്ന രീ​തി​യി​ലാ​ണ് ബൈ​പാ​സി​ന്‍റെ നി​ർ​മാ​ണ പ്ര​വൃ​ത്തി​ക​ൾ പു​രോ​ഗ​മി​ക്കു​ന്ന​ത്.