എരുമേലിയില്‍ എക്സൈസിന്റെ വന്‍ മയക്കുമരുന്ന് വേട്ട.6 കിലോ ഗ്രാം ഗഞ്ചാവ് പിടികൂടി
എരുമേലിയില്‍ എക്സൈസിന്റെ വന്‍ മയക്കുമരുന്ന് വേട്ട
എരുമേലി: ഓണം സ്‌പെഷ്യല്‍ ഡ്രൈവിനോടാനുബന്ധിച്ച് എരുമേലി എക്സൈസ് റേഞ്ച് പാര്‍ട്ടി ഐ ബി പാര്‍ട്ടിയുടെയും സൈബര്‍ സെല്ലിന്റെയും സഹായത്തോടെ മണിമല മുക്കട ജംങ്ഷനില്‍ നിന്നും ഓണ വിപണി ലക്ഷ്യമിട്ട് രണ്ട് ലക്ഷത്തോളം രൂപ വിലമതിക്കുന്ന 6 കിലോ ഗ്രാം ഗഞ്ചാവ് പിടികൂടി. ഗഞ്ചാവ് കടത്തി കൊണ്ടുവന്ന മണിമല ചാരുവേലി മുള്ളന്‍കുഴിയില്‍ മാത്യു സാമൂവല്‍(26) റാന്നി താഴത്തെകുറ്റ് വീട്ടില്‍ ജിഷ്ണു ജയപ്രകാശ് (23) എന്നീ യുവാക്കളെ അറസ്റ്റ് ചെയതു.
സ്‌കൂള്‍ കോളേജ് വിദ്യാര്‍ത്ഥികള്‍ക്കും, അന്യസംസ്ഥാന തൊഴിലാളികള്‍ക്കും വിതരണം നടത്തുന്നതിനായാണ് ഒഡിഷയില്‍ നിന്നും ഗഞ്ചാവ് എത്തിച്ചത്. കഴിഞ്ഞ ഒരാഴ്ചയായി എക്സൈസ് ഇവരെ നിരീക്ഷിച്ചു വരുകയായിരുന്നു. എക്സൈസ് ഇന്‍സ്പെക്ടര്‍ അമല്‍ രാജന്‍, അസിസ്റ്റന്റ് എക്സൈസ് ഇന്‍സ്പെക്ടര്‍ ഗിരീഷ് കുമാര്‍, പ്രിവന്റീവ് ഓഫീസര്‍മാരായ അഭിലാഷ്, സുമോദ്, ഐ ബി ടീം അംഗങ്ങളായ ടോജോ ടി ഞള്ളിയില്‍, അരുണ്‍ സി ദാസ്, സിവില്‍ എക്സൈസ് ഓഫീസര്‍മാരായ അനുരാജ്, വിഷ്ണു, റോയി, ശ്രീലേഷ്, മാമ്മന്‍ സാമൂവല്‍ ഡ്രൈവര്‍ ജോഷി എന്നിവരും റെയ്ഡില്‍ പങ്കെടുത്തു. പ്രതികളെ കോടതിയില്‍ ഹാജരാക്കി റിമാന്റ് ചെയ്തു.
