കാഞ്ഞിരപ്പള്ളിയില്‍ പ്രവര്‍ത്തിക്കുന്ന ന്യൂനപക്ഷ യുവജനങ്ങള്‍ക്കായുള്ള പരിശീലന കേന്ദ്രത്തില്‍ സൗജന്യ പി എസ് സി കോച്ചിംഗ് അപേക്ഷ ക്ഷണിച്ചു
സൗജന്യ പി എസ് സി കോച്ചിംഗ് അപേക്ഷ ക്ഷണിച്ചു
കാഞ്ഞിരപ്പള്ളി: കേരള സംസ്ഥാന ന്യൂനപക്ഷ ക്ഷേമ വകുപ്പിന് കീഴില്‍ കോട്ടയം ജില്ലയിലെ കാഞ്ഞിരപ്പള്ളിയില്‍ പ്രവര്‍ത്തിക്കുന്ന ന്യൂനപക്ഷ യുവജനങ്ങള്‍ക്കായുള്ള പരിശീലന കേന്ദ്രത്തില്‍ 2025 ജൂലൈ 1 ന് ആരംഭിക്കുന്ന സൗജന്യ പി എസ് സി കോച്ചിങ്ങിനു അപേക്ഷ ക്ഷണിച്ചു. പ്രവേശന പരീക്ഷയുടെ അടിസ്ഥാനത്തില്‍ പ്രവേശനം ലഭിക്കുന്ന ഉദ്യോഗാര്‍ത്ഥികള്‍ക്ക് പരിശീലനം തികച്ചും സൗജന്യമായിരിക്കും. ഒരു റെഗുലര്‍ ബാച്ചും ഹോളിഡേ ബാച്ചും ആണ് നടത്തപ്പെടുന്നത്. ആറു മാസക്കാലമാണ് പരിശീലന കാലാവധി. ഉദ്യോഗാര്‍ത്ഥികള്‍ 18 വയസ് തികഞ്ഞവരും എസ് എസ് എല്‍ സി യോ , ഉയര്‍ന്ന യോഗ്യതയോ ഉള്ളവരായിരിക്കണം. അപേക്ഷ സമര്‍പ്പിക്കേണ്ട അവസാന തീയതി 2025 ജൂൺ 20. അപേക്ഷകര്‍ വ്യക്തിഗതവിവരങ്ങള്‍ , 2 പാസ്പോര്‍ട്ട് സൈസ് ഫോട്ടോ ,യോഗ്യത തെളിയിക്കുന്ന സര്‍ട്ടിഫിക്കറ്റ് ,ആധാര്‍ കാര്‍ഡ്‌ എന്നിവയുടെ കോപ്പി സഹിതം പ്രിന്‍സിപ്പാള്‍ , സി സി എം വൈ ,നൈനാര്‍ പള്ളി ബില്‍ഡിംഗ്‌ , കാഞ്ഞിരപ്പള്ളി പി ഓ -686507 എന്ന വിലാസത്തിലോ , നേരിട്ടോ അപേക്ഷ സമര്‍പ്പിക്കേണ്ടതാണ്. അപേക്ഷഫോറം ഓഫീസില്‍ നിന്ന് ലഭിക്കും.
കൂടുതല്‍ വിവരങ്ങള്‍ക്ക് ,
9048345123 9496223724
9947066889
,04828-202069
