സ്വർണ്ണ വില കുതിക്കുന്നു.
നിക്ഷേപകർക്ക് ആവേശം, വാങ്ങുന്നവർക്ക് നിരാശ: പുത്തൻ റെക്കോർഡുമായി സ്വർണ വില കുതിക്കുന്നു
കൊച്ചി: നിക്ഷേപകർക്ക് ആവേശം, വാങ്ങുന്നവർക്ക് നിരാശയും സമ്മാനിച്ച് സ്വർണ വില കുതിക്കുന്നു. ഇന്നും ഇന്ത്യയിൽ സ്വർണ വില മുന്നോട്ട് കുതിക്കുകയാണ്. ഏപ്രിൽ 19 ശനിയാഴ്ച സ്വർണ വില മാറ്റമില്ലാതെ തുടർന്നിരുന്നു. എന്നാൽ ഇന്ന് വീണ്ടും കുതിപ്പ് തുടങ്ങി. ഇന്ന് പവന് ഒറ്റയടിക്ക് 560 രൂപയാണ് ഉയർന്നത്. പവൻ വില ആദ്യമായി 72,000 കടന്നു. ഗ്രാം വില ആദ്യമായി 9,000 ഉം കടന്നു.
സാധാരണക്കാർക്കും വിവാഹങ്ങൾക്ക് ഒരുങ്ങുന്നവർക്കും പ്രതിസന്ധിയാവുകയാണ് സ്വർണം. എന്നാൽ സ്വർണ നിക്ഷേപകർക്ക് ഇത് അനുകൂല സമയമാണ്. വ്യാപകമായിട്ടാണ് ആളുകൾ സ്വർണ നിക്ഷേപങ്ങളിൽ നിന്നും ലാഭം എടുക്കുന്നത്.
ഇന്ന് ഒരു ഗ്രാമിന് 70 രൂപ വർദ്ധിച്ച് 9015 രൂപയായി. പവന് 560 രൂപ വർദ്ധിച്ച് 72,120 രൂപയായി. ഇന്നത്തെ വിലപ്രകാരം 10 ഗ്രാം സ്വർണം വാങ്ങാൻ 90,150 രൂപയാവുന്നു. 24 കാരറ്റ് സ്വർണത്തിന് ഒരു ഗ്രാമിന് 9835 രൂപയും പവന് 78,680 രൂപയുമാണ്. 18 കാരറ്റിന് ഒരു ഗ്രാമിന് 7376 രൂപയും പവന് 59,008 രൂപയുമാണ്.
