മുണ്ടക്കയം ചെന്നാപ്പാറയിൽ വീട്ടമ്മയെ ആന ചവിട്ടിക്കൊന്നു.
*പെരുവന്താനത്ത് കാട്ടാന ആക്രമണത്തില് സ്ത്രീ കൊല്ലപ്പെട്ടു.*
ഇടുക്കി പെരുവന്താനത്തിന് സമീപം കാട്ടാന സ്ത്രീയെ കൊന്നു
നെല്ലിവിള പുത്തൻ വീട്ടില് സോഫിയ ഇസ്മയില് (45) ആണ് മരിച്ചത്. കൊമ്ബൻപാറ ടി ആർ ആൻഡ് ടീ എസ്റ്റേറ്റില് വച്ചാണ് സോഫിയയെ കാട്ടാന ആക്രമിച്ചത്.
ഇന്ന് വൈകിട്ടോടെ വീട്ടില് നിന്ന് സമീപത്തെ അരുവിയിലേക്ക് കുളിക്കാൻ പോയതായിരുന്നു സോഫിയ. ഏറെ നേരം കഴിഞ്ഞിട്ടും തിരികെ വരാതിരുന്നതിനെ തുടർന്ന് നടത്തിയ തെരച്ചിലിലാണ് സോഫിയയെ മരിച്ച നിലയില് കണ്ടെത്തിയത്. വനാതിർത്തിയോട് ചേർന്ന സ്ഥലത്താണ് സോഫിയയുടെ കുടുംബം താമസിക്കുന്നത്.
ഈ മാസം കാട്ടാനയുടെ ആക്രമണത്തില് കൊല്ലപ്പെടുന്ന രണ്ടാമത്തെയാളാണ് സോഫിയ. ഇടുക്കി മറയൂരില് ഫെബ്രുവരി ആറിനുണ്ടായ ആക്രമണത്തില് ചമ്ബക്കാട് കുടി സ്വദേശി വിമലൻ (57) കൊല്ലപ്പെട്ടിരുന്നു.