ഓട്ടോറിക്ഷ മറിഞ്ഞ് അപകടം ഒരാൾ മരിച്ചു
കൂട്ടിക്കൽ: കൂട്ടിക്കല്‍ സ്വദേശി കൊന്താലംപറമ്പിൽ ഹനീഫ (49) ആണ് മരിച്ചത്. വൈകിട്ട് 5 മണിയോടെ പൂഞ്ഞാര്‍ – തെക്കേക്കര – ആലുംതറ – കൂട്ടിക്കല്‍ റോഡിലാണ് അപകടമുണ്ടായത്.
കൂട്ടിക്കലില്‍ നിന്നും ആലുംതറയിലേയ്ക്കുള്ള റൂട്ടില്‍ കൊട്ടുകാപ്പള്ളി വളവിന് സമീപമാണ് അപകടമുണ്ടായത്. നിയന്ത്രണംവിട്ട ഓട്ടോറിക്ഷ തലകീഴായി മറിയുകയായിരുന്നു. കുത്തനെയുള്ള ഇറക്കമുള്ള ഈ പാതയില്‍ മറിഞ്ഞ ഓട്ടോ പലതവണ മറിഞ്ഞാണ് നിന്നതെന്ന് ദൃക്സാക്ഷികൾ പറയുന്നു.
ഓട്ടോയില്‍ 3 പേരാണ് ഉണ്ടായിരുന്നത്. മറ്റ് രണ്ട് പേര്‍ക്ക് കാര്യമായ പരിക്കുകളൊന്നുമില്ല..
അപകടത്തില്‍ മരിച്ച ഹനീഫയുടെ മൃതദേഹം ഈരാറ്റുപേട്ടയിലെ സ്വകാര്യആശുപത്രിയിലേയ്ക്ക് മാറ്റി. ഈരാറ്റുപേട്ട പോലീസ് മേല്‍നടപടികള്‍ സ്വീകരിച്ചു ഭാര്യ അനീഷ മക്കൾ: അൽഫിയ , അൽഫിന
കബറടക്കം തിങ്കളാഴ്ച കൂട്ടിക്കൽ മുഹിയുദ്ദീൻ ജുമാ മസ്ജിദ് കബർസ്ഥാനിൽ
