ബസ് സ്റ്റാൻഡിന്‍റെ കവാടത്തിലെ ഇളകിയ സ്ലാബുകൾ മാറ്റി
ബസുടമകൾ നിവേദനം നൽകി
പൊൻകുന്നം: പൊൻകുന്നത്തെ ബസ് സ്റ്റാൻഡിന്‍റെ കവാടത്തിലെ ഇളകിയ സ്ലാബുകൾ മാറ്റി ഗതാഗതം സുഗമമാക്കണമെന്ന് ബസ് ഉടമകൾ. ഇതുസംബന്ധിച്ച് ബസ് ഓപ്പറേറ്റേഴ്‌സ് അസോസിയേഷൻ കാഞ്ഞിരപ്പള്ളി യൂണിറ്റ് സെക്രട്ടറി കെ.എസ്. ജയകൃഷ്ണൻ നായർ ചിറക്കടവ് പഞ്ചായത്തിന് നിവേദനം നൽകി. സ്ലാബുകൾ ഇളകിമാറിക്കിടക്കുന്നത് അപകടസാധ്യതയും ബസിലിരിക്കുന്ന യാത്രക്കാരുടെ സുരക്ഷിതത്വത്തിന് ഭീഷണിയുമാണ്. ദേശീയപാതയിൽനിന്ന് സ്റ്റാൻഡിലേക്ക് ബസുകൾ കയറുന്ന കവാടത്തിലാണ് പ്രശ്‌നം.
