ഇർശാദിയ്യ മീലാദ് ക്യാമ്പയിൻ സമാപിച്ചു

ഇർശാദിയ്യ മീലാദ് ക്യാമ്പയിൻ സമാപിച്ചു.

മുണ്ടക്കയം: റബീഉൽ അവ്വൽ ഒന്നു മുതൽ റബീഉൽ അഖിർ വരെ നീണ്ടുനിന്ന മീലാദ് കാമ്പയിൻ സമാപിച്ചു.

ക്യാമ്പയിന്റെ ഭാഗമായി നടന്ന പ്രകീർത്തന യാത്ര ഇർശാദിയ്യ സെക്രട്ടറി ലിയാഖത്ത് സഖാഫിയുടെ നേതൃത്വത്തിൽ തിരുവനന്തപുരം ബീമാപള്ളിയിൽ നിന്ന് ആരംഭിച്ച കർണാടകയിലെ കൊടക് എരുമാട് സൂഫി ശഹീദ് മഖാം സിയാറത്തോടെ സമാപിച്ചു. അഞ്ചു ദിവസം നീണ്ടു നിന്ന മുഹമ്മദ് നബി ചരിത്ര എക്സ്പോ VH അബ്ദുറഷീദ് മുസ്‌ലിയാർ ഉത്ഘാടനം ചെയ്തു. TMA കലാം മൗലവി മുഖ്യ പ്രഭാഷണം നടത്തി. എക്സ്പോയുടെ ഭാഗമായി നടന്ന സ്നേഹ സംഗമത്തിൽ മുസ്ലിം ലീഗ് ജില്ലാ പ്രസിഡണ്ട് അസീസ് ബഡായി ഉദ്ഘാടനം നിർവഹിച്ചു. കെ എസ് രാജു, ടി സി ഷാജി, ഷമീർ കുരിപ്പാറ, ഫൈസൽ മോൻ, അൻസർ കരീം,അബു ശമ്മാസ് മൗലവി, ബഷീർ മൗലവി തൊടുപുഴ, അഡ്വ. ഷഫീഖ്, പി മുരളീകൃഷ്ണൻ പാലാ എക്സ്പോ സന്ദർശിച്ചു.

മുണ്ടക്കയം വരിക്കാനിയിൽ വെച്ച് നടന്ന മീലാദ് ക്യാമ്പയിൻ സമാപന സംഗമത്തിൽ അലി മുസ്‌ലിയാർ കുമളി പതാക ഉയർത്തി. എ കെ അബ്ദുൽ റഹ്മാൻ മുസ്‌ലിയാർ അധ്യക്ഷത വഹിച്ചു. അബു ശമ്മാസ് മൗലവി മുഖ്യപ്രഭാഷണം നടത്തി. സയ്യിദ് ജിഫ്രി ഹൈദറൂസി തൊടുപുഴ പ്രാർത്ഥന നടത്തി. ലിയാഖത്ത് അൽ ഹികമി സ്വാഗത ഭാഷണം നടത്തി. ലബീബ് സഖാഫി, അശ്റഫ്‌ മുസ്‌ലിയാർ, ഹകീം സഖാഫി, മഹ്ബൂബ് സഖാഫി, സഫുവാൻ സഖാഫി, ഫായിസ് അൽ ഹികമി അയ്യൂബ് സഖാഫി, അലവി ഫൈസി, അബ്ദുറഷീദ് മൗലവി,കെ ഇ എ അബ്ദുൽ അസീസ്, അൻവർ, ഇർഷാദ് മുസ്തഫ,അബ്ദുൽ നാസർ,തുടങ്ങിയവർ നേതൃത്വം നൽകി .