കാഞ്ഞിരപ്പള്ളിയിൽ കാർ കടകളിലേക്ക് ഇടിച്ചു കയറി അപകടം

കാഞ്ഞിരപ്പള്ളി: കോട്ടയം കുമളി റോഡിൽ കാഞ്ഞിരപ്പള്ളിയിൽ കാർ കടകളിലേക്ക് ഇടിച്ചു കയറി അപകടം.തിങ്കളാഴ്ച പുലർച്ചെ ഒരു മണിയോടെയായിരുന്നു സംഭവം. മുണ്ടക്കയം ഭാഗത്തുനിന്നും വരികയായിരുന്ന കാർ നിയന്ത്രണം നഷ്ടമായി ആദ്യം വസ്ത്ര വ്യാപാര സ്ഥാപനത്തിലേക്കും പിന്നീട് ബേക്കറിയിലേക്കും ഇടിച്ചുകയറുകയായിരുന്നു.അപകടത്തിൽ വസ്ത്ര വ്യാപാര സ്ഥാപനത്തിന്റെ ചില്ലുകൾ തകർന്നു, ബേക്കറിക്ക് വലിയ നാശനഷ്ടങ്ങൾ സംഭവിച്ചിട്ടില്ല