മുണ്ടക്കയം ബിവറേജ് ഔട്ട്‌ലെറ്റിലെ മോഷണം:പ്രതികള്‍ പിടിയില്‍
കട്ടപ്പന: ഇടുക്കി കോട്ടയം ജില്ലകളിൽ വിവിധ ബീവറേജ് ഔട്ട് ലെറ്റുകൾ കേന്ദ്രീകരിച്ച് (newsmdkm)മോഷണം നടത്തിയ ശേഷം ഒളിവിൽ ആയിരുന്ന പ്രതികൾ പിടിയിൽ. ഇടുക്കി ചെന്നാക്കുളം കരുണാപുരം കല്ലോലിയിൽ വീട്ടിൽ ബിജു ചാക്കോ ( റോയ് ചാക്കോ 36), അന്യർതൊളു കൊല്ലംപറമ്പിൽ വീട്ടിൽ സജി കെ എസ്( 48) എന്നിവരെയാണ് (Newsmdkm)കട്ടപ്പന ഡിവൈഎസ്പി വി.എ നിഷാദ്‌മോന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
കഴിഞ്ഞ ഓഗസ്റ്റ് നാലിനു തൂക്കുപാലത്തും, പതിനാലിന് കുമളിയിലും ബീവറേജ് ഔട്ട്‌ലെറ്റിന്റെ പൂട്ട് പൊളിച്ച് മോഷണം നടത്താൻ ശ്രമിച്ചിരുന്നു. തുടർന്നു, കഴിഞ്ഞ 26 ന് മുണ്ടക്കയത്തുള്ള ബീവറേജ് ഔട്ട്‌ലെറ്റിന്റെ പൂട്ട് പൊളിച്ച് അകത്തുകയറി മദ്യം മോഷണം നടത്തി. ഇവിടെ നിന്നും ലഭ്യമായ സിസിടിവി ദൃശ്യങ്ങളും മറ്റും സാമൂഹ്യ (newsmdkm)മാധ്യമങ്ങളിലൂടെ പ്രചരിപ്പിച്ചിട്ടും യാതൊരുവിധ തെളിവും ലഭിച്ചിരുന്നില്ല. തുടർന്ന് കട്ടപ്പന ഡിവൈഎസ്പിയുടെ പ്രത്യേക അന്വേഷണ സംഘത്തിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ(newsmdkm) പ്രതികൾ ആണെന്ന് സംശയിക്കുന്നവരെ പറ്റി രഹസ്യ അന്വേഷണം നടത്തുകയായിരുന്നു.
