കണമലയിൽ കാട്ടാന ചരിഞ്ഞത് പടക്കം വിഴുങ്ങിയതിനെ തുടർന്നെന്ന് പോസ്റ്റ്മോർട്ടം റിപ്പോർട്ട്

കണമല :കണമലയിൽ കാട്ടാന ചരിഞ്ഞത് പടക്കം വിഴുങ്ങിയതിനെ തുടർന്നെന്ന് പോസ്റ്റ്മോർട്ടം റിപ്പോർട്ട്. ആനയുടെ ആന്തരിക അവയവങ്ങളിൽ നിന്ന് പടക്കത്തിന്റെ അംശം കണ്ടെത്തി. സംഭവത്തിൽ വനം വകുപ്പ് അന്വേഷണം ആരംഭിച്ചു

കഴിഞ്ഞ ദിവസം ജനവാസ മേഖലയോടു ചേർന്നാണ് കാട്ടാനയെ ചരിഞ്ഞ നിലയിൽ കണ്ടെത്തിയത് .വിറകു ശേഖരിക്കാനെത്തിയ നാട്ടുകാരാണ് ആനയെ ചരിഞ്ഞ നിലയിൽ കണ്ടെത്തിയത്.വിവരമറിഞ്ഞ് കണമലയിൽ നിന്ന് വനംവകുപ്പ് അധികൃതരും വെച്ചൂച്ചിറ പൊലീസും സ്ഥലത്ത് എത്തിയിരുന്നു. ജനവാസ മേഖലയിൽ തുടർച്ചയായി ശല്യം ചെയ്തിരുന്ന ആനയ്ക്ക് ആരോ മനഃപൂർവം കെണിയൊരുക്കിയതാവാം എന്ന സംശയവും ബലപ്പെടുന്നുണ്ട്